Legg deg hjå meg

 

Legg deg hjå meg
     i mi breie messingseng
Leik deg med meg
     i mi breie messingseng
Kva helst av fargar
     løynt i hugen din
          skal eg få liv i
               så du ser dei skin

Steg etter steg
     berrføtt uti blomeeng

Bli litt hjå meg
     du får meg ør og yr
Blir du til dagen gryr
     skal du sjå ein lystig fyr
Litt tunge støvlar
     men ei hand så lett
          ikring det venaste
               den kar'n har sett

Bli litt hjå meg
     bli her til dagen gryr

Du drøymde om bryllaupskaka lenge nok
     du kan få ein sleik med krem alt no
Så gløym vesle Askepott sitt trappetråkk
     nyss fann prinsen ein mista sko

 Bli her med meg
     senga mi, den er'kje trong
Leik deg, for eg
     eg lèt meg kveikje enn ein gong
Av soloppgangen
     i mi messingseng
          med kjolen slengt
               i eit lint refreng

 Legg deg hjå meg
     så skal du vakne i min song

 

                              Bob Dylans Lay, Lady, Lay
                              i norsk språkdrakt ved
                              Dj Beichmann